الحمد الله

الحمد الله على هالمطر الحلو واللي يشوق وياخذ القلب

خذوا الحذر يا قائدي المركبات

وما أحلى التنزه في هذه الأجواء

اللهم إجعله صيبا نافعا ..يا رب إرحمنا برحمتك

أحب المطر وأجواء المطر يعطيني شعور ثاني

مع إني ميتة من النوم بس والله طار من عيوني من الوناسة

كتبت لك

بغيابك دنيتي غربه

أحس إ(ي)بها في قلبي

أهمس في أذون الليل

أنا لك مشتاقة

وصلك شوقي بناره

وإني في بعدك محتارة

أحبك إنته ياللي

الحين بعيد عني

تعال باخذك بحضني

بضمك حيل بيديني

ومن حبي انا برويك

وفي خافقي لك بيت

بالدنيا ما بتلقى شي يضاهيه

على خير يارب تمسي

وعلى خيره يارب تصبح

وبطبع بوسة على خدك

تِذكرك أني احبك

أحبك..

وعسى ربي يخليك لعيوني

قررت أسامح

الكل يلوم والكل يعاتب والكل يشوف إني غلطانه وقاعده اتصرف على غير عادتي وقاعده أقسّي قلبي غصب عني بس هذا كله ما صار من عبث كان نتيجة تراكمات تحملت مرة وما ني مستعده اتحمل أكثر.. أحس طيبتي او بالأحرى طيبتنا قاعده تاخذنا من نفسنا وقاعدين نفقد وجودنا من كثر ما إحنا طيبين ..تخيلوا هالشخص يكون قريب منك وتلتقي فيه مرات وايد عايش معاك بنفس المكان يقعد ويقوم وياك وياكل ويشرب ويتنقص لك من اللي ياكله ويتعنى لك ليما مكانك عشان اييب لك شي.. بشنو تفسر كل تصرفاته انه يحبك ..صح ماكو غير هذا التفسير ..وفجأه يصير ند لك ويحاسبك ويعاتبك نتيجة خلاف ما لك دخل فيه يا توقف معاي ولا بعتبرك ظالم ومو واقف وقفة حق ..و لأنه بيوم تنقص لي وتعنى لي من وجهة نظره صار واجب علي أوقف معاه حتى لو ما كان على صواب ..شصاير وشنو اللي صار استغربت واستنكرت كل شي غرب دشوا بيتنا وتكشفوا علينا ..صار فينا خرعه ما تعودنا على هالإسلوب من التعامل ..هل هذا نتيجة الطيبة شنو ليش محد يحسب لنا حساب لأنه إحنا وايد طيبين ..وحمى الوطيس وصرت أنا مذنبة ..وما قدرت كل اللي سواه عشاني وحطيته عزكم الله تحت ريولي.. شنو هالكلام ما أعرف ارد على ناس جذيه.." شنو أنا وين عايشه!!!!!" ما أعرف اتكلم مثلكم مع العلم إنه هالشخص يصغرني بسنوات ..هل أنا من النوع الحريص على اختيار الكلمات عشان ما أجرح اللي جدامي منو فينا تصرفه صح .......؟؟

عقب فتره وعقب ما هدت النفوس هالشخص وصل ليما باب بيتي بس للأسف ما قدرت استقبله لا تلوموني اللي صار معاي مو شويه أهو اللي حدني على هالشي ..

وايد تضايقت ماني عارفه ليش لأنه ما استقبلت هالشخص أو لأني شفته بعد المشكلة اللي صارت ..

او تضايقت لأني ما سمعت منه ..ما أبي تكون بيني وبينه أي علاقه ليش يايني شاللي حادك انت اللي اتهمتني بالغلط والحين يايني او وين عند باب بيتي شنو تتوقع مني آخذك بالأحضان ( مستحيل )..

مرت الأيام والليالي والكل سامح ..عداي أنا الكل عادي عنده بس أنا ..منو غلط ؟؟؟؟ معقوله كلهم غلط وأنا صح ..

اللي معور قلبي محد عاتب ولا حاسب الكل اكتفى بالسلام وإن فتح موضوع هالشخص تجاوبوا معاه بس أنا ما أقدر حتى أحط عيني بعينه ..مع إنه الغلط مو مني ..بس شنو هالنوع من البشر يجرح ويداوي !!!!!!!!!!!!!!!!!!!

بعد مده من التفكير قلت لنفسي هذي مو إنتي.. بس أرد واقول ويع من أشوفه تلوع جبدي ..

بس هزني موقف إنه بيوم بالغلط عيني يت بعينه وحسبته شخص ثاني ابتسمت وحسيت الدنيا ما شالته ..نزلت عيني واكتفيت بالسلام يدا بيد..

انكسر خاطري عليه معقوله ياينا بقلب ثاني ..بقلب يحبنا ويبي لنا الخير ..معقولة بكون غير ..( شيطاني يقولي لا لا تصدقين اللي يخطر على بالج )

فكرت وفكرت واستشرت والكل أيدني ..سامحي ..هذي إنتي ..

الكل فرح بهالقرار وانا أولهم وودي أصارح وأعاتب وأسأل عن كل شي بنفسي ..وليش صار جذيه وليش صار جذيه عشان تصفى النفوس ..

التسامح شي كبير ....والله يقدرني وأسامح

والمسامح كريم ..

بس بقولكم شي أنا عيزت من الطيبة ..ودي أتغير ما أكون شريرة بس أبي آخذ حقي مو أكثر ..

أمي

كل وعام وأنت بخير وعسى ربي يمد بعمرج أكثر وأكثر ..حبيبتي أنت الحضن اللي ما مل منه والقلب اللي دوم بالحب يرويني ومهما قلت قليل في حقج ..وكل اللي أقدر أقوله إني مووووووووووت أحبج ..عساني ما انحرم من حنانج ..

بنتج :

ABWaBy

ترقبوا

بوستي القادم

بعد ما طال التفكير

" قررت أسامح "

همسة في أذنك

يا أغلى من روحي علي

يا أغلى شي يا أحلى شي

تدري إني يا غلاي صرت اشوف الدنيا فيك

من كثر طيبك معاي خايف أحسدني عليك

مقتطفات من رحلتنا السعيدة

معدل السرعة

خربش واكسب يعني امسح واربح ..
يعني حمام للرجال ..

سيارة معاريس ..

طفولة محرومة ..

الحمزة عليه السلام عم رسول الله من وراء الحواجز ؟؟؟؟؟

لماذا كل هذه الزحمة .صدق من قال الجوع كافر

أول أستراحة وقفنا بها لنتناول وجبة الإفطار

يا موالين

عظم الله أجوركم بالإمام العسكري عليه السلام ..

الإمام في سطور

جده: الإمام محمد الجواد (عليه السلام).

أبوه: الإمام علي الهادي (عليه السلام).

أمه: سليل.

إخوته: محمد، الحسين، جعفر.

ولادته: ولد في المدينة في الثامن من ربيع الآخر سنة 232.

صفته: أسمر، أعين، حسن القامة، جميل الوجه، جيد البدن، له جلالة وهيبة.

كنيته: أبو محمد.

ألقابه: الزكي، الهادي، العسكري، التقي، الخالص، السراج، الصامت، الرفيق، المرضي.

نقش خاتمه: سبحان من له مقاليد السماوات والأرض.مجيئه إلى سر من رأى: جاء مع أبيه الإمام الهادي (عليه السلام)، وبقي بها حتى وفاته.

زوجته: نرجس، أو مليكة بنت يشوعا بن قيصر ـ ملك الروم ـ وأمها من ولد الحواريين، تنسب إلى وصي المسيح (عليه السلام) شمعون.

ولد: الإمام المهدي (عليه السلام).

شاعره: ابن الرومي .

بوابه: عثمان بن سعيد العمري، وابنه محمد بن عثمان .

ملوك عصره: المعتز، المهتدي، المعتمد.

آثاره: كتاب التفسير.

اعتقاله: عاش مدة من عمره في سجون الظالمين، ولا تزال آثار تلك السجون باقية إلى اليوم.

وفاته: توفي (صلوات الله عليه) يوم الجمعة الثامن من ربيع الأول سنة 260.

قبره: دفن مع أبيه الإمام الهادي (عليه السلام) في داره بـ (سر من رأى) وقبره اليوم ينافس السماء رفعةً وازدهاراً، تعلوه أكبر قبة ذهبية في العالم، استعمل في بنائها 72000 ألف لبنة ذهبية، ويزدحم المسلمون من شرق الأرض وغربها لزيارته، والتسليم عليه، والصلاة عنده، والدعاء في مرقده المقدس."لعن الله أمةً هدمت قبتك يا سيدي يا أبا محمد .. هدموها ظاهراً ولكنها موجودة في قلوبنا"

نسبه: قال الخطيب البغدادي: (الحسن بن علي بن محمد بن علي بن موسى بن جعفر بن محمد بن علي بن الحسين بن علي بن أبي طالب (عليهم السلام)، أبو محمد العسكري كان ينزل بسرّ من رأى وهو أحد من يعتقد فيه الشيعة الإمامة).