الأربعاء، 1 أبريل 2009

1/4/2009


جرت العادة على اختلاق بعض الحكايات الغير صحيحة ( يعني ما أبي أقول جذبة :) ) مع بداية شهر إبريل

في أحد منكم اختلق شي ..أنا ما أحب اجذب اللي جدامي يكسر خاطري وخصوصا إذا صدق

مع من عادتي أمازح بس على طول أقول الصج ما أطولها ..


واليوم كذا شخص جذب علي صدقت وحده والثانية يوم قلت لهم جذبت إبريل محد صدقني عقب اعترفوا


خلوني أقولكم الجذبات :


الأولى من صباح الله خير وصلني مسج من زوجة أخوي الحامل تقول فيه حبيت أبشركم فيني توأم وأنا على طول باركت لها وطرشت حق خواتي مسج ..وما أشوف إلا وصل لي منها مسج ثاني تقول فيه " بس ترى جذبة إبريل " وحدي عيزانة أرد أدز مسج ينفي الخبر ..

المهم عاد كل شوي وحده منهم مطرشة لي مسج ترى جذبة إبريل و الشي اللي يضحك وحده من خواتي دقت تبارك لها ..ومرة أخوي ميته من الضحك :)

والثانية ويانا زميل صار له فترة منفصل عن زوجته ..تقريبا عشر سنين ..وحده من البنات يت لنا تقول باركوا له ترى رد حق زوجته استانسنا له وايد عاد أنا قلت لهم أخاف جذبة إبريل الكل قال لا شنو أي شي ..

وباركنا له وعقب اتضحت إنها جذبه ..


:)

هناك 5 تعليقات:

joe يقول...

لووول جذبت ابرررريل مشكلة
اذا اتصلوا عليكم قالولكم فلان ماات نقولهم اكيد جذبة ابريل

مركبنا يقول...

تصدق ضيعنا ..
تسلم البوست رائع ومفرح بدون جذب !!

كبرياء وردة يقول...

اشوة اني ما شفت احد غير اهلي اليوم عشان لا احد يجذب علي :)

Barrak يقول...

ماأدري ليش مااحب موضوع جذبة ابريل

Paris يقول...

لوول :D
عاد هذا اذا جذبوا و صدقوا الجذبة مشكله بعد